Ævintýraferð til Grikklands

Grikkland hefur yfir sér rómantískan blæ; sagan kallar á okkur nánast í hverju fótmáli , maturinn er ferskur og ljúffengur og fólkið vingjarnlegt og gestrisið.

Í Aþenu er  vart er hægt að snúa sér við án þess að rekast á stórkostlegar minjar frá þeim tíma  þegar forn Grikkir  voru án efa ein framsæknasta þjóð heimsins, en Aþena er jafnframt nútímaleg stórborg með öllu því sem því fylgir. 

Á landsbyggðinni er kyrrð og ró og mikil fegurð, og einstaklega gaman að upplifa þá hlið Grikklands; Grikkland eins og það er í dag, en með fornsögulegar minjar hvert sem litið er.

Og síðast en ekki síst eru það  allar yndislegu eyjarnar. Þar eru frægastar  Mykonos og Santorini, sem við höfum svo oft séð í tímaritum og kvikmyndum- hvítkölkuð  húsin sem bera við fagurbláan himinn og kóbaltblátt hafið. Þessi sjón ein og sér örvar hjartsláttinn.